"Бес көмекшім бар". Ерке Есмахан күйеуіне қалай еркелеп жүргенін көрсетті

Танымал әнші Ерке Есмахан Instagram парақшасында тұрмыстағы тіршілігі туралы айтып берді, деп хабарлайды El.kz ақпарат агенттігі.

Сонымен "7 адам кім" деп сұрағандарға, "Ерке, осы сен не істейсің, бәріне өзің үлгеріп жүрсің бе?" деп қоймай сұрап жатқандарға жауап берейін. Мальдивқа Райм және мен, қайным, Муслим, Ислам, бала күтушісі мен көмекшім келдік. Мені шаршап жүр екен деп ойлап қалмаңыздар, - дейді ол.

Өнер иесі қолынан бәрі келе тұра, бірнеше көмекші жұмысқа алғанын атап өтті.

Тұрмыс тіршілігімді толығымен айтып берейін. Негізі керек болса бәрін өзім жасаймын, қолымнан бәрі келеді. Бірақ жасамаймын. Еркемін еркелет өмір, ер жігіт еркелете біл деп бекер әндетпеппін бір кезінде. Ислам дүниеге келгелі үй жинап, кір жуып, киім үтіктеп, азық-түлікке барып, дәмді тамақты дайындап қоятын, бар тірлікті істейтін үй жұмысшысы бар. Муслимді сабаққа, жаттығуға апарып, алып келетін жүргізуші бар. Бала күтушісі ол міндетті түрде. Жұмыс жағын реттеп отырған 2 директорымыз бар. Барлық осы қасымыздағы жандарға мың алғыс. Бар жағдайымызды жасап, отбасын асырап отырған, адал табысты, несібесі мол, берекелі күйеуім. Барлық еркелеуім осы жолдасымның арқасы. Рахмет, жұмағым, - деді ол.

Ерке Есмахан енді қыз тууды жоспарлап жүргенін де жасырмады.

Шын, мен дым істемеймін, кітап оқимын, сериал, кино. Менің міндетім тек Исламның қасында болуым керек, уақытылы емізуім керек және күйеуімнің қас қабағына жауаптымын. "Оой ужас, ештеңе істемейді екен, жалқау, құтырған" деп шошымаңыздар. Әркімнің тіршілігі әртүрлі. Маған Алла осылай бұйыртыпты. ...Сол үшін бұйырса енді қыз тумасам болмас деп отырмын ғой. Өзім-ай өзім, - деді ол.

Айта кетейік, қазақстандық танымал әнші Ерке Есмахан отбасымен бірге Мальдив аралдарына демалуға кеткені туралы жазған едік.

Қысқа да нұсқа. Жазылыңыз telegram - ға