Бес адам қаза тапқан ұшақ апатында ұшқыш тірі қалды
Фото: ©El.kz/жасанды интеллект DALL-E-3
Фото: ©El.kz/жасанды интеллект DALL-E-3
25.04.2025 13:50
171
Таиландтың Пхетчабури провинциясындағы Ча-Ам қаласы маңында жеңіл моторлы ұшақ апат болып, салдарынан бес адам көз жұмды, деп хабарлайды El.kz ақпарат агенттігі.
Алайда Thai PBS арнасының хабарлауынша, апат кезінде бір адам – Чатуронг Ваттанапрайсарн есімді ұшқыш тірі қалған.
Бүгін таңертең Пхетчабури провинциясындағы Ча-Ам жағалауында теңізге құлаған екі моторлы турбовинтті ұшақтың ұшқышы тірі қалды, – деп жазылған арна жариялаған материалда.
Бастапқыда ұшқыш қайтыс болғандар тізімінде еді. Алайда бұл ақпаратты Таиланд құқық қорғау органдарының өкілі, генерал-лейтенант Арчайон Крайтонг жоққа шығарды.
Телеарна мәліметінше, тірі қалған ұшқыш ауыр халде ауруханада дәрігерлердің бақылауында жатыр.
Бөлісу:
Қысқа да нұсқа. Жазылыңыз telegram - ға