«Барыс» қатарынан төртінші рет жеңілді
![«Барыс» қатарынан төртінші рет жеңілді «Барыс» қатарынан төртінші рет жеңілді](/storage/storage/element/2024/01/27/mainphoto/86893/1200xauto_bGDf3YOv5DYB2lTvhe29Nzl0aAfBzKlz3mUnBMV6.jpg)
Елорданың «Барыс» клубы Құрлықтық хоккей лигасы аясында Ресейде «Ладамен» (Тольятти) кездесті, деп хабарлайды El.kz ақпарат агенттігі.
Алғаш болып есепті айдын иелері сапынан Николай Демидов ашты. Ол 17-минутта қақпаны дәл көздеді.
Одан кейін екі клубтың да таблодағы есепті өзгертетін мүмкіндіктері болғанымен, ешкім мергендік таныта алған жоқ.
Үшінші кезеңнің 53-минутында «Лада» сапынан Остап Сафин қонақтардың қақпасынан саңылау тапты. Осылайша елордалық клуб қарсыласына жол берді - 2:0. Астаналықтар қатарынан төртінші рет жеңіліс тапты.
Енді «Барыс» алдағы алты ойынын Астанада өткізіп, 28 қаңтарда Ресейдің «Ак Барс» (Қазан) клубымен кездессе, одан кейін 31 қаңтарда «Авангард» (Омбы), 4 және 6 ақпанда «Амур» (Благовещенск), 8 ақпанда СКА (Санкт- Петербург), 10 ақпанда «Спартак» (Мәскеу) клубтарымен кездеседі.
![Telegram](https://el.kz./static/site/images/tel26.png)