Балықшылар әулеті дәстүр бойынша дауыс беруге келді
![Балықшылар әулеті дәстүр бойынша дауыс беруге келді Балықшылар әулеті дәстүр бойынша дауыс беруге келді](/storage/storage/element/2023/03/19/mainphoto/42287/1200xauto_xOkk5jblEB3dru3eYoBvkYUwet7eV2N0Gs52nDB5.jpg)
Алакөлдік балықшылар әулеті дауыс берді, деп хабарлайды El.kz ақпараттық агенттігі Жетісу облысы әкімінің баспасөз қызметіне сілтеме жасап.
Алакөл ауданы, Қамысқала ауылдық округінің тұрғындары Ариновтартар - балықшылар әулеті. Отағасы Мұхамедияр мен отанасы Қайынжамал Ариновтар бастап, балалары мен немерелері түгелдей балық шаруашылығымен айналысады. Балықшылар әулеті сайлауда өз учаскілеріне барып, азаматтық ұстанымдарын білдірді.
Отбасы мүшелері осыған дейін 6 рет сайлауға қатысып, өз белсенділіктерін танытқан. Осы жолы да сол үрдістерін үлгі етті.
Президент Жолдауындағы саяси реформаларды қолдап, елімізде әділетті қоғам орнату үшін қабылданған шараларға ыстық ықыласын білдіре отырып: «Дауыс беру - әр адамның азаматтық борышы. Біз отбасымызбен сайлау учаскесіне барып, ел болашағы үшін дауыс бердік. Біз үшін сайлау – тұрақты дамудың кепілі. Сондықтан өз дауысымызды лайықты кандидаттар мен партияларға бердік», - дейді Ариновтар әулетінің мүшелері.
![Telegram](https://el.kz./static/site/images/tel26.png)