＄481.84
€531.33
₽5.07
Сall-center: НАО "Отандастар"
8 800 080 14 04

Жаңалықтар
Басты
Жаңалықтар
Архив
Балаларға арналған жаңа әліппені көргіңіз келе ме? (сурет)

Балаларға арналған жаңа әліппені көргіңіз келе ме? (сурет)

Суретші Аңсаған Мұстафа балаларға арналған жаңа әліппе ұсынды.
12.01.2015 03:53 42192

Суретші Аңсаған Мұстафа балаларға арналған жаңа әліппе ұсынды. Қазақ тілінде қолданылатын әрбір әріпке бір-бір суреттен арналып, оның әрқайсысына Мәдина Дүйсекова есімді журналист жеңіл жатталатын ұйқастар әзірледі. Сондай-ақ, жаңа әліппеге арнайы ән де жазылған және оның авторы – Ринат Әбдіхалықов. Әнді опера әншісі Сара Найман орындамақ. Бұдан бөлек, жаңа әліппені смартфон арқылы пайдалану көзделуде. ІТ-маман Тимур Бектұр әліппенің мобильді қосымшасын әзірлеуге кірісті. Сонымен, назарларыңызға аталмыш әліппенің толық иллюстрациясын ұсынамыз. 

А дегенім – алқа, Тағып алар қалқа

Ә дегенім – әткеншек, Қызық бірге тепсек.

Б дегенім – балық, Аула қармақ салып.

В дегенім – вокзал, онда темір жол бар.

Балаларға арналған жаңа әліппені көргіңіз келе ме? (сурет)Г дегенім – гүлдер, Көктем шықса, гүлдер.

Ғ дегенім – ғалым, Татқан білім балын.

Д дегенім – доп, Қақпаға гол соқ.

Е дегенім – ескек, Әкем ескек еспек.

Ё менен Е егіз бе? Шекедегі көзі ме?

Ж дегенім – жолдар, Ауылдарды жалғар.

З дегенім – зымыран, Айға ұшамын зымырап.

И дегенім – ине, Апам қадар түйме.

Й дегенім – Айда бар, Сендей бала қайда бар.

К дегенім – Көлшік, Көлден балық көрдік.

Қ дегенім – қалам, Көркем сурет салам.

Л дегенім – лашын, Кеңге жаяр құлашын.

М дегенім – мысық, Отыр көзін қысып.

Н дегенім – нан, Нан болса, болар ән.

Ң дегенім – таң, Арайланды маң

О дегенім – орақ, Болма іске олақ.

Ө дегенім – өрік, Талға берер көрік.

П дегенім – пышақ, Алма жүзін ұстап.

Р дегенім – раушан, Иісі жұпар, алсаң.

С дегенім – су, Сумен қолды жу.

Т дегенім – тымақ, Қыста кисең жылы-ақ.

У дегенім - уақыт, Сусып тұрған жаһұт.

Ұ дегенім – ұлар, Ұлар тауда тұрар.

Ү дегенім – үйшік, Жүгіріп шықты күшік.

Ф дегенім – фонарь, Жарық жоқта жанар.

Х дегенім – хат, Хатпен келер хабар.

Һ ортасы – шаһардың, Шаһарға шекті сапар кім?

Цирк деген клоундар мекені, Кірген бала көңілденіп кетеді.

Ч дегенім – чемпион, Ел алғысы миллион.

Ш дегенім – шаңғы, Қырдан ойға қарғы.

Щ дегенім – щетка, Тіс жарқырып кетті.

Ъ – айыру белгісі, Съезге келді көп кісі.

Ы дегенім – ыдыс, Іші толған ырыс.

І дегенім – ішік, Апам берген пішіп.

Ь – әріп те емес дыбыс та, Белгі дегенің дұрыс та.

Э дегенім – электр, Жарық үшін керек бұл.

Ю дегенім – аю ма? Қою ма әлде тою ма?

Я дегенім – якорь, Ол – қазақша зәкір.

Дәурен Омаров

Бөлісу:
Telegram Қысқа да нұсқа. Жазылыңыз telegram - ға

Алдыңғы жаңалық
Алуан-алуан пікір бар!
Келесі жаңалық
Солтүстік Қазақстанда 15 жастағы оқушы сыныптасын пышақтады