Бадминтон: қазақстандық спортшылар Бахрейнде жеңіске жетті
Фото: ҚР ҰОК/Сали Сабиров
Фото: ҚР ҰОК/Сали Сабиров
26.11.2024 19:42
78
Қазақстандық спортшылар бадминтоннан Бахрейнде өткен Bahrain International Series II 2024 турнирінде жеңіске жетті, деп хабарлайды El.kz ақпарат агенттігі.
ҰОК мәліметінше, 2024 жылғы Bahrain International Series II турнирінде Қазақстанның қос спортшысы Дмитрий Панарин мен Айша Жұмабек аралас жұп категориясында өнер көрсетті.
Финалда қазақстандық жұп Дмитрий Панарин мен Айша Жұмабек үндістандық Кона Тарун және Шри Кришна Прия Кударавалли жұбымен кездесті. Панарин мен Жұмабек 18-21, 21-18, 21-12 есебімен жеңіске жетіп, аралас жұп категориясында алтын медаль жеңіп алды.
Айта кетейік, аталмыш турнирде Дмитрий Панарин жекелей сында 6 кездесу өткізіп, қола медаль жеңіп алған еді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Астанада демалыс күндердегі жәрмеңке жалғасады
Келесі жаңалық
ҰҚШҰ кеңесінің отырысы: Астанада қай көшелер жабылады