БАӘ компаниясы Астана әуежайын дамытуға көмектеседі
Елордалық әуежайды дамыту мәселесі жөніндегі өзара түсіністік туралы меморандумға қол қойылды. Бұл туралы ҚР ИИДМ баспасөз қызметіне сілтеме жасай отырып El.kz ақпараттық агенттігі хабарлайды.
Астана халықаралық форумында ҚР ИИДМ басшысы Марат Қарабаев Біріккен Араб Әмірліктерінің Энергетика және инфрақұрылым министрі Сухейл Әл-Мазруимен және Terminals Holding – Sole Proprietorship L. L. C. Terminals Holding компаниясының басшысымен кездесті.
Terminals Holding – әуежай және авиациялық қызметтерді көрсету бойынша әлемдегі жетекші компаниялардың бірі саналады. Сонымен қатар халықаралық әуежайларды салу, пайдалану және басқаружағынан мол тәжірибесі бар. Бұған қоса Terminals Holding Abu Dhabi Sports Group-тың еншілес компанияларының бірі екенін айта кетейік.
Кездесу қорытындысы бойынша ҚР ИИДМ мен Terminal Holding арасында өңірлік мультимодальды хаб ретінде Астана қаласының әуежайын бірлесіп дамыту бойынша өзара түсіністік туралы меморандумға қол қойылды.
Қысқа да нұсқа. Жазылыңыз telegram - ға