ҚАЗАҚСТАН МЕН ҚЫРҒЫЗСТАН ХАЛҚЫ АССАМБЛЕЯСЫ МӘДЕНИ ЫНТЫМАҚТАСТЫҚ МӘСЕЛЕЛЕРІН ТАЛҚЫЛАДЫ
ҚР Ұлттық академиялық кітапханасында ҚХА Хатшылығы меңгерушісінің орынбасары Нәзипа Шанаи бастаған Қазақстан халқы Ассамблеясы өкілдерінің Қырғыз Республикасының делегациясымен кездесуі өтті. Тараптар екі ел Ассамблеяларының құрылымдарымен танысып, ынтымақтастық мәселелерін, атап айтқанда, жастар бағытындағы мәселелерді талқылады.
ҚХА Хатшылығы басшысының орынбасары өз сөзінде екі ел халықтарының тарихы ортақ, тілі ұқсас, ең бастысы – рухтас екенін атап өтті.
Қазақстанда этникалық топтар өз бағыты бойынша жалпы мемлекеттік мақсаттар мен міндеттерді шешу үшін ұйымдастырылған.
«Мысалы, Шавкат Исмаиловтың басшылығымен «Қырғызстан-Астана» қоғамдық бірлестігі таңдауларына сәйкес көші-қон бағытында жұмыс істеп отыр. Міндет өте тиімді. Бүгінде тәуелсіз елдерде туған жастар өсіп, бірін-бірі тани қоймайды. Келешектің жарқын көрінісі пайда болған кезде, өзара байланыс қажет», – деді Нәзипа Шанаи.
ҚХА Хатшылығы басшысының орынбасары халықтың тарапынан өзгерістер мен жаңалықтарды түсінбеуі, түрлі салалардағы реформалардың нәтижесінде пайда болатын елдерде қоғамдық келісімді бұзуға жол бермеу бойынша жұмыс істеу қажеттігін атап өтті.
«Ассамблеяның он тоғыз құрылымының жұмыс тиімділігін жастар да түсінеді – біз «шыны әлемде» өмір сүреміз және оны бұзу оңай. Қазір қоғамдық келісімді сақтау қажеттілігін түсіну деңгейі өте жоғары. Біз ұлттың дұрыс бейнесін қалыптастыруымыз керек», – деп нақтылады спикер.
Жастар Түркияның тарихы мен салт-дәстүрлерін, Үндістанның әдет-ғұрыптарын жақсы біледі, бірақ көрші қырғыз халқының мәдениеті мен тарихы туралы біле қоймайды. Жақын көршілестікке қарамастан, мәдени интеграцияның жеткіліксіздігі байқалады. Бұл олқылықтарды жақын арада өзара мәдени алмасу арқылы толықтыру қажет.
Осыған байланысты ол қазақ-қырғыз жастарының бірлескен фестивальдерін өткізуге ұсыныс білдірді, онда Қырғызстан кинематографшылары заманауи кейіпкерлер мен қырғыздардың тарихына қатысты тарихи фильмдерді көрсетер еді.
Өз кезегінде Қырғыз Республикасы Парламентінің депутаты, Қырғызстан қазақтары қауымдастығының төрайымы Гүлшат Асылбаева Қазақстан халқы Ассамблеясының қызметімен жақынырақ танысуға ниет білдірді.
«Қырғызстан Ассамблеясын Президент басқарады және ол конституциялық орган болып табылмайды, яғни, оның ешқандай ерекше мәртебесі жоқ. Осы мағынада біздің Отанымызда Ассамблеяны басқару құрылымының классикалық үлгісін құру бойынша тәжірибе алмасу тұрғысынан Қазақстанның тәжірибесі пайдалы болар еді», – деп атап өтті спикер.
Кездесу барысында ҚХА Хатшылығы меңгерушісінің орынбасары қонақтарға «Жерұйық» (Тәуелсіз Қазақстанның үш тілдегі тарихы) және Нұрсұлтан Назарбаевтың «Бейбітшілік пен қоғамдық келісім идеясы» атты кітабын табыс етті. Оның айтуынша, онда Қазақстан халқы Ассамблеясы қызметінің саяси, заңдық, филологиялық талдауы бар.
Қазақстан халқы Ассамблеясы Хатшылығы меңгерушісінің орынбасары Назарбаев үлгісі бойынша көптеген шетелдік жоғары оқу орындарында 36 сағаттық курс оқытылатынын, сонымен қатар ҚХА жанынан Журналистер клубы – толеранттылықты нығайтуда, этносаралық, қоғамдық келісімді және азаматтық бірлікті сақтауда БАҚ күшін біріктіруге ықпал ететін тұрақты консультативтік-сараптамалық алаң жұмыс істейтіні туралы хабарлады.
Нұргүл ШАТЕКОВА
Материалды көшіріп жариялау үшін редакцияның немесе автордың жазбаша, ауызша рұқсаты қажет және Қазақстан халқы Ассамблеясы порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. Авторизация бойынша ank_portal@assembly.kz мекен-жайына хабарласыңыз.
Қысқа да нұсқа. Жазылыңыз telegram - ға