Әйелі күйеуінің бүйрегін сатқызып, өзі көңілдесімен бірге қашып кеткен
Үндістанның Калькутта тұрғыны өзінің күйеуін қара нарықта бүйрегін 1 млн рупийге (6 млн теңге шамасы) сатуға көндірген, деп хабарлайды El.kz ақпарат агенттігі.
Әйел мұны қызын оқуға түсіріп, болашақта тұрмысқа беру үшін қажет деп түсіндірген. Бірақ кейіннен оның бұл әрекетті өз болашағы үшін жасағаны белгілі болды.
Ер адам әйелінің бұл ұсынысына ұзақ уақыт келіспей жүрген. Дегенмен инвестиция үшін осындай қадамға баруға көнген.
Үндістанда адам органдарын сатуға тыйым салынғанына 30 жылдан асқан. Сол үшін ол қара нарықта сатып алушыны бір жылдан астам уақыт іздеген. Ал осы уақытта оның әйелі Facebook арқылы өзге ер адаммен танысқан.
Oddity Central мәліметінше, операциядан соң ер адам әйелі мен ақшасынан айырылған.
Ашуға булыққан ер адам полицияға шағымданған. 10 жасар қызы екеуі әйелі мен оның көңілдесін іздеп тапқанымен, ол үйіне оралудан бас тартқан, енді ол ажырасамын деп отқан көрінеді.
Қысқа да нұсқа. Жазылыңыз telegram - ға