Әйел ораза ұстауы үшін күйеуінің рұқсаты керек пе?

Әлеуметтік желіде Нұрлан имам деп танылған Ырыскелді қажы атындағы мешіттің имамы Нұрлан Байжігітұлы оқырмандарының сауалына жауап бере отырып, ораза ұстайтын жұптарға қатысты пікір білдірді, деп хабарлайды El.kz ақпарат агенттігі.

Нұрлан имамға оқырмандардың бірі «Күйеуім «ораза ұстау үшін менен рұқсат сұрадың ба?» деді. Сонда әйел рұқсат сұрауы керек пе?» деген сауал қойған.

«Сұлтан Сүлеймен, рұқсат бересің бе?» деп айтып қой, мәз болып қалсын. Негізі рұқсат кере емес. Бірақ менің бұл сөзімді естіп алып, күйеуіңе: «рұқсатың керек емес екен, кімсің сен» деп сөзге келіп қалмаңдар. Шариғатта жазылған екен деп, артық кетудің қажеті жоқ. намаз оқу үшін, ораза ұстау үшін ер адамның рұқсаты шарт емес, бірақ бұл дегеніміз айтпа, ескертпе дегенді білдірмейді. Одан да жылы сөйлеп, «сенің рұқсатыңды алуым керек еді, кешірерсің» дей сал. Ола да мәз, сенің де құлағың тыныш, - деді Нұрлан имам.
 

Қысқа да нұсқа. Жазылыңыз telegram - ға