Жаңалықтар

Ауылшаруашылық техникасының жеңілдетілген лизингі бойынша 9,3 млрд теңгеге 113 өтінім түсті

Бағдарламаға қатысуға өтінімдерді қабылдау 5 тамызда басталды

Фото: egemen.kz

Фото: egemen.kz 15.08.2022 16:18 1297

Ауыл шаруашылығы техникасын жеңілдікпен лизинг бағдарламасы басталған күннен бастап «ҚазАгроҚаржы» АҚ-ға отандық өндірістің 93 тракторы мен 52 комбайнын сатып алу үшін Қазақстанның 11 өңірінен ауыл шаруашылығы тауар өндірушілерінен жалпы сомасы 9,3 млрд теңгеге 113 өтінім келіп түсті, деп хабарлайды El.kz

Бағдарламаға қатысуға өтінімдерді қабылдау 2022 жылғы 5 тамызда басталды. Қаржыландырудың жалпы сомасы 40 млрд теңгені құрайды, оған мыңға жуық қазақстандық ауыл шаруашылығы техникасын сатып алу жоспарланып отыр.

Бағдарламаның шарттары:

Лизинг мерзімі - 10 жылға дейін;

Сыйақы мөлшерлемесі - жылдық 6%;

Лизинг бойынша бастапқы жарна - 0%;

Негізгі қарызды қайтару бойынша жеңілдікті кезең - 1 жыл.

Жеңілдікті бағдарлама шағын және орта ауыл шаруашылығы тауар өндірушілеріне арналған, сондықтан бағдарлама бойынша бір лизинг алушыға - 205 млн теңгеден артық берілмейді және техника үш бірліктен аспауы үшін лимит белгіленген. Лизинг алушыны қаржыландыру екі жылдық кезең ішінде бір реттен артық берілмейді.

Бөлісу: