Аукционға қойылған Мәсімовтің үйінің бағасы арзандады
Бұрынғы ҰҚК басшысы Кәрім Мәсімовтің үйі тағы бәссаудаға қойылды. Бірақ бұл жолы оның құны 300 млн теңгеге құлаған, деп хабарлайды El.kz ақпарат агенттігі.
ҰҚК Кәрім Мәсімовтің Астанадағы зәулім сарайы тағы бәссаудаға қойылды. Бұл үй осымен үшінші рет аукционға қойылып отыр. Дегенмен бағасы едәуір құлдыраған - 1 млрд 600 млн 838,1 мың теңге. Бұған дейін оның құны 1 млрд 883 млн 338,9 мың теңгені құраған.
Әңгіме Нұра ауданындағы зәулім сарай туралы. Ғимараттың жалпы ауданы – 2,8 мың шаршы метр. Оның ішінде тұрғын ауданы 347,2 шаршы метрді құрайды. Сонымен қатар сарайдың жалпы жер аумағы 0,9475 гектар және қосымша 0,2713 гектар жер телімімен толықтырылған.
Құжаттарға сәйкес, онда ресепшн, бассейндер, бильярд бөлмесі, бірнеше көлік тұрағы және ондаған бөлме бар.
Қысқа да нұсқа. Жазылыңыз telegram - ға