Ауа райына байланысты 16 жол учаскесі жабық тұр
Ақмола, Алматы, Жамбыл, Қостанай және Солтүстік Қазақстан облыстарында тасжолдар жабық, деп хабарлайды El.kz ақпарат агенттігі ҚазАвтоЖолға сілтеме жасап.
Сондай-ақ республикалық маңыздағы 7 тасжолда қозғалысқа енгізілген шектеу алынды.
Ақмола облысында «Астана-Петропавл» тасжолының Көкшетау қаласынан СҚО шекарасына дейінгі аралығында және Астана-Щучье бағытында қозғалысқа енгізілген шектеу алынды.
Сонымен қатар,«Екатеринбург-Алматы» тасжолының Атбасар-Астраханка бағыты ашылды.
Көкшетау қаласынан Зеренді ауылына дейінгі тасжол да ашық.
СҚО бойынша «Астана-Петропавл» тасжолының Ақмола облысы шекарасы-Келлеровка ауылы бағыты ашық тұр.
Сонымен бірге «Жезқазған-Петропавл» тасжолында көлік қозғалысы жанданды.
Ақтөбе облысында «Самара-Шымкент» тасжолының Ақтөбе қаласынан М-32 және А-26 бағыты ашық.
Қысқа да нұсқа. Жазылыңыз telegram - ға