Атыраудағы ауруханада жамбас буынын протездеу операциясы жүргізілді
Жылыой аудандық ауруханасында жамбас буынын эндопротездеу бойынша алғашқы күрделі операция сәтті жүргізілді, деп хабарлайды El.kz ақпарат агенттігі.
Жақында Атырау облысы Жылыой ауданының аудандық орталық ауруханасының қабылдау бөлімшесіне тұрмыстық жарақат алған пациент келіп түсті. Ол оң иық пен жамбас аймағында ауырсынуды сезінді.
Травматолог дәрігерлердің тексеруі және клиникалық-аспаптық зерттеулердің нәтижесінде пациентке «Күрделі жарақат. Аздап сысуы бар сол жақ бұғананың акромиалды ұшының жабық сынуы. Сүйек сынықтарының ығысуымен оң жақ жамбас сүйек мойнының жабық субкапиталды сынуы».
Пациентке шұғыл хирургиялық араласу көрсетілді. Жылыой аудандық ауруханасының хирургтары алғаш рет «Оң жамбас буынын толық эндопротездеу» операциясын сәтті жүргізді. Операцияны Атырау облысының бас штаттан тыс травматологы Б. С. Күлниязов пен Жылыой АОА травматология бөлімшесінің меңгерушісі Ж. Ж. Байзуллин орындады.
Бұл операция заманауи медициналық жабдықты және дәрігерлердің жоғары біліктілігін қолдануды талап етті. Бұл аудандық аурухана деңгейінде жасалған алғашқы күрделі операциялардың бірі. Қазіргі уақытта пациенттің жағдайы тұрақты, оны дәрігерлер бақылауда.
Ұлттық жобаның шеңберінде диагностикаға арналған аппараттарды, зертханалық құрылғыларды, сондай-ақ телемедицинаға арналған жүйелерді қоса алғанда, ауылдық медициналық ұйымдарды заманауи жабдықтармен жаңарту және жарақтандыру жүріп жатыр. Бұл ауыл тұрғындарына туған ауылдарынан шықпай-ақ жергілікті жерде сапалы медициналық қызметтер алуға мүмкіндік береді.
Жалпы, қазір ауылдық денсаулық сақтау нысандарының инфрақұрылымы белсенді дамып келеді. Медициналық көмекті 5 мыңға жуық денсаулық сақтау нысаны, оның ішінде 3,5 мыңнан астам медициналық және фельдшерлік-акушерлік пункт, 1300 дәрігерлік амбулатория, 170 емхана және 186 аурухана көрсетеді.
Қысқа да нұсқа. Жазылыңыз telegram - ға