Атырауда пәтер өртеніп, екі бала қаза тапты
Фото: ©El.kz/Ербол БЕКБОЛАТ/Midjourney
Фото: ©El.kz/Ербол БЕКБОЛАТ/Midjourney
25.04.2024 14:47
1990
Атырау облысы Индер ауданы Индербор кентінде түгелдей жанған пәтерден 2014 жылғы және 2017 жылғы екі баланың денесі табылды, деп хабарлайды El.kz ақпарат агенттігі.
Қайғылы оқиға бүгін, таңғы 05:37 минутта болған. Өрт сөндірушілер оқиға орнына жеткенше пәтер түгел жанып кеткен. Қаза тапқан балалардың 29 жастағы анасы мен азаматтық некедегі 30 жастағы жолдасы ес-түссіз күйде ауруханаға жеткізілді.
Өңірлік денсаулық сақтау басқармасының өкілдері әйел адамның жағдайы аса ауыр, денесінің 90-95 пайызын күйік шалғанын мәлімдеді. Ал ер адамның жағдайы орташа деп бағаланып отыр.
Өрт сағат 6:02-де оқшауланып, сағат 06:10-да толықтай жойылды.
Облыстық полиция департаменті өрт қойды деген күдіктіні анықтап, қамауға алғанын хабарлады.
Бөлісу:
Қысқа да нұсқа. Жазылыңыз telegram - ға
Келесі жаңалық
Сарбаздарға ҰБТ-сыз оқуға түсу сертификаты табысталды