Атырауда Кавказ соғысы кезінде қаза тапқан шешен ұлтының қыз-келіншектерін еске алуға арналған мерекелік кеш өтті
Атырау қаласында «Вайнах» шешен-ингуш этномәдени бірлестігінің ұйымдастыруымен «День чеченской матери» мерекесі өтті.
Бұл мереке Шешенстан Республикасында қыркүйек айының үшінші жексенбісінде аталып өтеді. Жыл сайын аталып өтетін мерекенің маңыздылығы Кавказ соғысы кезінде қаза тапқан 46 шешен қызын еске алуға негізделген.
Шешен халқының тарихында өз елінің бостандығы мен тәуелсіздігі үшін шайқасқан шешен-әйелдер де аз болған жоқ. Кавказ соғысы жылдарында Гехи шешен елді мекенінен Майлин Таймасх есімді жас қыз 10 жыл бойы патша әскерлеріне қарсы соғысқан. Әскери істі жақсы білетін және өзінің батылдығымен танымал болған шешен қызды тұтқынға алған кезде Император одан: «Егер мен сені бостандыққа жіберетін болсам, онда соғысты тоқтатасың ба?» дегенде, қолбасшы қыз оның көзіне қарап: - Соғысты сен бастадың. Егер соғысты тоқтатсаңыз, мен қарсылықты тоқтатамын, - деп, ақылымен және сұлулығымен таңқалдырған екен.
Осы батыл әйел туралы баяндайтын құжаттар Тбилиси қаласының мемлекеттік тарихи мұрағатында сақталған.
Шара барысында шешен халқының әндері орындалып, «Татулық» татар-башқұрт этномәдени бірлестігінің, «Иверия» грузин этномәдени бірлестігінің, «Довира» украин этномәдени бірлестігінің, «Светоч» славян этномәдени бірлестігінің мүшелері өз өнерлерін ортаға салды.
Қысқа да нұсқа. Жазылыңыз telegram - ға