Атырау облысындағы су тасқыны кезінде Маңғыстауға 27 мың адам эвакуацияланған
Су тасқыны басталғаннан бері Маңғыстауға 27 мыңнан астам адам эвакуацияланды, деп хабарлайды El.kz ақпарат агенттігі.
Маңғыстау облысы әкімдігінің баспасөз қызметінің мәліметінше, қазір 9 мыңға жуық адам үйлеріне оралған. Эвакуациялық пунктерде 1600 адам бар. Бұл туралы Нұрлан Ноғаевтың қоғамдық штаб өкілдерімен кездесуі кезінде белгілі болды.
Маңғыстауда қоғамдық штаб құрылды. Оның қызметі Атырау облысынан келген эвакуацияланған халық арасында коммуникациялық және ақпараттық жұмыстарға бағытталған. Штаб мүшелері эвакопункттерге барып, зардап шеккендермен кездеседі, азаматтарға психологиялық және ақпараттық қолдау көрсетеді.
Нұрлан Ноғаев су тасқыны басталғаннан бері біздің өңірге 27 мыңнан астам адам эвакуацияланғанын айтты.
Қазір 9 мыңға жуық адам туған өлкелеріне оралды. Эвакуациялық пункттерде 1600 адам бар, өзгелері туыстарының көмегіне жүгінді. Айта кету керек, Маңғыстау облысынан су тасқынынан зардап шеккен өңірлерге 90 бірлік техника, сондай-ақ 170 әскери қызметші жіберілді, - деді Нұрлан Ноғаев.
Өңір басшысы қоғамдық штаб мүшелеріне алғыс білдіріп, олардың мемлекеттік органдар мен Атырау облысынан келген халық арасындағы өзара іс-қимылды ұйымдастыруға қосқан елеулі үлесін атап өтті.
Мен еріктілер мен эвакуациялық пунктердің жұмысын ұйымдастыруда қосқан зор үлестеріңіз үшін алғыс білдіргім келеді. Бүгінде қоғамдық штаб өзара іс-қимылдың маңызды орталығына айналды. Эвакуацияға және гуманитарлық көмекті ұйымдастыруға байланысты қазір жұмыс уақытша қиындық. Қоғамдық штаб болашақта да өз қызметін жалғастырады деп сенемін, - деді Нұрлан Ноғаев.
Қысқа да нұсқа. Жазылыңыз telegram - ға