Жаңалықтар

Астананың 25 жылдығына орай жаппай веложарыс өтеді

Астананың 25 жылдығына орай жаппай веложарыс өтеді
Фото: gov.kz 22.06.2023 11:37 753

Елорда тұрғындары мен қонақтары Астананың 25 жылдығына арналған жаппай веложарысқа шақырылады. Іс-шара 25 маусым күні өтеді, деп хабарлайды El.kz ақпарат агенттігі қала әкімдігінің ресми сайтына сілтеме жасап.

Жарыс Қосшы қаласы бағытындағы айналма веложолдан басталады. 25 шақырым қашықтықтан кейін Үркер (Ильинка) елді мекеніне барар жолдағы «Жасыл белдеу» саябағында мәреге жетеді.

Веложарысқа қатысуға ниет білдірушілерді тіркеу: сағат 8:00 - 8:30. Басталуы – 9:00.

Әрбір қатысушы жарысқа өз велосипедімен жіберіледі.

Жарыс аяқталғаннан кейін мәреде тіркелген велосипедшілер арасында лотерея және бағалы сыйлықтар ойнатылады.

Бөлісу:
Telegram Қысқа да нұсқа. Жазылыңыз telegram - ға