Астанаға 300-ден астам электроавтобус жеткізіледі

Астанада 2023 жылы желіге 300-ден астам электроавтобус шығады, деп хабарлайды El.kz қала әкімдігінің ресми сайтына сілтеме жасап.

Елорда әкімдігі автопаркті қоғамдық көлікпен жаңарту және толықтыру бойынша, оның ішінде жеке инвестицияларды жұмылдыру есебінен жүйелі жұмыс жүргізуде. Жаңа электр автобустары автопаркті айтарлықтай жаңартуға, жаңа маршруттарды енгізуге, аялдамаларда автобустардың күту аралығын қысқартуға мүмкіндік береді.

«City Transportation Systems» ЖШС қазіргі уақытта автобус паркін 300-ден астам электроавтобуспен жаңарту және толықтыру бойынша үш инвестормен жұмыс жүргізіп жатыр. Жеке инвестициялар есебінен қалада автобус паркі де салынды.

Бұған дейін Астанада желіге 115 электроавтобус шығарылған болатын. Биыл қыс мезгілінде желіге тағы 50 электроавтобус шығару жоспарланып отыр. Электр автобустарының экологиялық тұрғыда таза болуындағы артықшылықтары: атмосфераға зиянды шығарындылардың болмауы, оларды пайдалану кезіндегі үнемділік және т.б.

Сонымен қатар биыл жыл басынан бері қоғамдық көлік маршруттарының 27 схемасын оңтайландыру бойынша жұмыс жүргізілді, жаңа маршруттар іске қосылды, Bus lane жаңа учаскелері енгізілді, 15 аялдама пункті қосылды және т.б. Соңғы жылдары 70 жылы аялдама орнатылды, тағы 20 жылы аялдама бойынша инженерлік желілерге қосылу бойынша жұмыстар жүргізілуде.