Астанадан 40 мың текше метр қар шығарылды
Астанада қаланың коммуналдық қызметтері қар күреу бойынша тәулік бойы тоқтаусыз жұмыс істеп жатыр, деп хабарлайды El.kz ақпарат агенттігі.
Елорда әкімдігінің мәліметінше, 26 желтоқсанда күндізгі ауысымға 1600-ге жуық арнайы техника мен 2,6 мыңнан астам коммуналдық қызметкер қар күреуге шықты.
Астанадан өткен түнде 3,1 мыңнан астам ауыр жүк рейсімен 40 мың текше метрге жуық қар шығарылды.
Қыс мезгілінің басынан бастап полигондарға 131 285 рейспен 1 682 145 текше метрден астам қар шығарылды.
Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады, - делінген мәліметте.
Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.
Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.
Қысқа да нұсқа. Жазылыңыз telegram - ға