Астанада қар күреу жұмысына 2500-ден астам адам жұмылдырылды
Астанада коммуналдық қызметкерлер ауа райының қолайсыздығына және аязға қарамастан тәулік бойы күшейтілген режимде жұмыс істеп жатыр, деп хабарлайды El.kz ақпарат агенттігі.
Елорда әкімдігінің мәліметінше, 24 қаңтарға қараған түні коммуналдық қызметтер елордадан 1078 жүк көлігіне тең қар шығарды, бұл – 15 мың 156 текше метр қар.
24 қаңтар күні таңертең қар тазалау жұмысына 2589 жол жұмысшы мен 1518 арнайы техника жұмылдырылды.
Қыс мезгілінің басынан бастап полигондарға қаладан 303 318 рейс арқылы 3 млн 850 572 текше метр қар шығарылды, - делінген мәліметте.
Әкімдік дерегінше, ең алдымен жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.
Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.
Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.
Қысқа да нұсқа. Жазылыңыз telegram - ға