Астанада Қалдаяқов көшесінде көлік қозғалысына ішінара шектеу енгізіледі
LRT құрылысын жүргізу жоспарына сәйкес, магистральді жүріс бөлігіне іргелес учаскелерде Астана қаласының Полиция департаментінің келісімі бойынша Ш.Қалдаяқов көшесі бойындағы жол қозғалысына өзгеріс енгізіледі. Бұл туралы CTS-ке сілтеме жасай отырып El.kz ақпарат агенттігі хабарлайды.
26 сәуірден 16 шілдеге дейін М3 көпірінен Ж.Нәжімеденов көшесіне (И. Панфилов көшесі) дейінгі аралықта құрама темірбетон арқалықтарды монтаждау жұмыстарын жүргізу үшін Ш.Қалдаяқов көшесіндегі қозғалыс ішінара шектетіледі және қозғалыс жолақтары қысқартылады. Бұл ретте мынаған тыйым салынады:
- М3 көпірінен Тәуелсіздік даңғылына қарай тура жүруге;
- М3 көпірінен Ж.Нәжімеденов көшесіне солға қарай бұрылуға;
- И.Панфилов көшесінен М3 көпіріне солға қарай бұрылуға;
- Ж.Нәжімеденов көшесінен Ш. Қалдаяқов көшесіне солға қарай бұрылуға.
Рұқсат етіледі:
- М3 көпірінен оң жақ съез арқылы И.Панфилов көшесіне бұрылуға;
- И.Панфилов көшесінен Ш. Қалдаяқов көшесіне оң съез арқылы бұрылуға.
26 сәуірден 18 мамырға дейін Ж. Нәжімеденов көшесінен (И. Панфилов көшесі) Тәуелсіздік даңғылына дейінгі аралықта құрама темірбетон арқалықтарды монтаждау жұмыстарын орындау үшін Қалдаяқов көшесіндегі қозғалысқа толық шектеу енгізіледі. Бұл ретте:
- «Француз кварталы» ТК, «Италия кварталы» ТК, «Австриялық квартал» ТК, «Monaco Residense» ТК тұрғындары үшін жергілікті жол арқылы оңтүстік бағыт бойынша автокөлік қозғалысына рұқсат етіледі;
- Ш.Қалдаяқов көшесінің негізгі жүріс бөлігіне жергілікті жолдан шығуға, сондай-ақ Ш. Қалдаяқов көшесінен Тәуелсіздік даңғылына солға және оңға бұрылуға тыйым салынады;
- Тәуелсіздік даңғылынан М3 көпіріне қарай батыс бағытта көлік қозғалысы жолақтарды қысқарту жолымен жүзеге асырылады.
Бұл ретте Ж.Нәжімеденов көшесі (И. Панфилов көшесі) және Тәуелсіздік даңғылы бойында өтпелі қозғалыс ашық болады.
Елорда қонақтары мен тұрғындары жол жүру бағытын алдын ала жоспарлауы қажет.
Қысқа да нұсқа. Жазылыңыз telegram - ға