Астанада күндізгі ауысымға 900-ге жуық техника шығарылды
Елорданың коммуналдық қызметтері тәулік бойы күшейтілген режимде жұмыс істеп жатыр. Бір түнде олар қаладан 168 жүк көлігіне қар жинап, алып шықты, деп хабарлайды El.kz ақпарат агенттігі.
Астана әкімдігінің мәліметінше, 5 желтоқсан күні таңертең елорданың көшелері мен жолдарын, алаңдары мен тротуарларын қар мен мұздан 2,7 мыңнан астам жол жұмысшы мен 890 бірлік арнайы техника тазартады.
5 желтоқсанға қараған түні қаладан 168 жүк көлігі немесе 1 892 текше метр қар шығарылды. Қыс мезгілінің басынан бері қаладан 65 мыңнан астам рейспен 839 мың текше метр қар шығарылды, - делінген мәліметте.
Әкімдік ең алдымен жолдарда кептеліс болмас үшін қозғалысы өте қарқынды орындар тазартылатынын еске салды. Сондай-ақ қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.
Қысқа да нұсқа. Жазылыңыз telegram - ға