Астанада Халықаралық йога күні өтетін болды
17 маусым күні елордада Халықаралық йога күні атап өтіледі, деп хабарлайды El.kz ақпарат агенттігі.
Астанадағы Үндістан елшілігінің жанындағы Свами Вивекананда Мәдени орталығы 2023 жылғы 9-шы Халықаралық йога күнін ертең, яғни 17 маусым күні елордадағы «Астана балет» театрының алдындағы әйгілі алаңда ұйымдастырады.
Ресми іс-шара таңғы сағат 8.00-де басталады. Одан кейін қатысушылар қазақстандық йога инструкторларының басшылығымен жаттығатын йоганың жалпы хаттамасы бойынша 45 минуттық сессияға қатысады. Іс-шараға 1 мыңға жуық адам қатысады деп күтіліп отыр.
IYD 2023 Қазақстан үкіметінің, оның ішінде Мәдениет және спорт министрлігінің, Денсаулық сақтау министрлігінің, «Астана балет» театрының және Астана қаласы әкімдігінің қолдауымен өтеді.
Атаулы күнге Қазақстан үкіметінің жоғары лауазымды тұлғалары қатысады. 100-ден астам йога орталығы мен 300 йога инструкторының басын біріктіретін Yoga Family Astana да іс-шараны ұйымдастырушылардың бірі.
Әдеттегі хаттамалық йога сабағын өткізу мақсатында іс-шараға йога сабақтарына қолайлы киіммен, сондай-ақ йога төсенішімен және ауыз сумен келуге рұқсат етілген.
Йога Қазақстанда өте танымал, ал қазақ йога оқытушылары Қазақстанның барлық ірі қаласында өз орталықтарын ашты. Үндістан Премьер-министрінің бастамасымен Халықаралық йога күні БҰҰ жариялаған іс-шара және оны 2015 жылдан бастап Үндістан елшілігі Қазақстанның көптеген қаласында жыл сайын қала билігінің, йога орталықтарының, инструкторлардың және басқа да мүдделі тараптардың қолдауымен өткізіп келеді.
8-ші IDY 2022 Қазақстанның 21 қаласында өткізілді. Астанада іс-шара Денсаулық сақтау министрі Ажар Ғиният және Мәдениет және спорт вице-министрі Ержан Еркінбаев мырзаның қатысуымен «Астана Опера» театрының алдындағы әйгілі алаңда ұйымдастырылды.
9-шы Халықаралық йога күні Ақтау, Арқалық, Өскемен, Алматы, Атырау, Орал, Павлодар, Петропавл, Талдықорған, Шымкент, Атырау, Семей, Екібастұз, Қостанай, Қарағанды, Тараз, Ақсай (БҚО), Новосихимск (СҚО) сияқты Қазақстанның түрлі қалаларында атап өтіледі. IDY - бұл көпшілікті және бұқаралық ақпарат құралдарын тартатын халықаралық танымал іс-шара.
Қысқа да нұсқа. Жазылыңыз telegram - ға