Астанада адасқан қызды Ұлан сарбаздары жақындарына тапсырды
![Астанада адасқан қызды Ұлан сарбаздары жақындарына тапсырды Астанада адасқан қызды Ұлан сарбаздары жақындарына тапсырды](/storage/storage/element/2024/01/26/mainphoto/86754/1200xauto_b3Ym64yg8yPH0UvU5qDd58JpekjwpJm9ifT7TzLL.jpg)
Ұлттық ұланның 5573 әскери бөлімінің әскери қызметшілері елордада адасып кеткен кішкентай қызды тауып, ата-анасымен табыстырды, деп хабарлайды El.kz ақпарат агенттігі Ұлттық ұланының баспасөз қызметіне сілтеме жасап.
24 қаңтарда Астана қаласының Нұра ауданында патрульдік-бекеттік қызмет атқарған әскери жасақ бастығы қатардағы Буняд Музаффаров пен патрульші қатардағы жауынгер Жүрсін Ерлікұлы көшеде ересектердің қарауынсыз жүрген бес жасар қызды байқады. Белгілі болғандай, ол ата-анасынан алыстап, адасып кеткен.
Біз бұл туралы әскери жасақтар бойынша кезекшіге дереу хабарладық. 15 минуттан кейін қыздың анасы бізге келді. Анасына қызын тапсырдық, - деді қатардағы жауынгер Буняд Музаффаров.
Сәбидің ата-анасы әскери жасаққа, сондай-ақ әскери бөлімнің қолбасшылығына зор алғысын білдірді.
![Telegram](https://el.kz./static/site/images/tel26.png)