Астанада 60 балабақша салынады – әкімдік
Астанада мектепке дейінгі білім беруге келетін болсақ, балабақшалардағы мектеп жасына дейінгі балалардың кезегі 60 мыңнан астам баланы құрайды. Оның ішінде 2 жастан 6 жасқа дейінгі балалар – 42 мың бала, деп хабарлайды El.kz ақпарат агенттігі.
Балаларды мектепке дейінгі тәрбиемен қамтуды арттыру үшін әкімдік бірқатар шара қабылдаған. Мемлекеттік білім беру тапсырысы 4 есе ұлғайтылды. Жеке инвестициялар есебінен 17 балабақшаның құрылысы жүргізілуде. 2017 жылдан бастап мемлекеттік балабақшалардың құрылысы тоқтатылды, бірақ бала туу және көші-қон процестері есебінен мектеп жасына дейінгі балалардың жыл сайынғы өсуін ескере отырып, әкімдік қаланың Бюджеттік-инвестициялық жобалары есебінен 60 мемлекеттік балабақша салу туралы шешім қабылдады, - деді Есет Байкен.
Оның сөзінше, халықтың әлеуметтік осал топтары санатындағы 8 мың балаға балабақшаларда тегін тамақтану ұйымдастырылды (мемлекеттік тапсырысы бар жекеменшік бақшаларда және мемлекеттік балабақшаларда тамақтану құны айына 20 800 теңге есебінен 660 миллион теңгеден астам (660 миллион 442 мың теңге).
Елордада 11 қосымша білім беру ұйымы жұмыс істейді. Биыл қосымша білім берумен қамту 158 мың баланы немесе 79,9% құрады және өткен жылмен салыстырғанда 7% өсті (мектептерде 2188 үйірме мен секция жұмыс істейді), - деді ол.
Байкен сондай-ақ қосымша білім берумен қамтуды ұлғайту үшін алғаш рет техникалық және ғылыми бағыттағы үйірме қызметін дамытуға бағытталған 2 мың орынға арналған мемлекеттік білім беру тапсырысы орналастырылғанын алға тартты.
Жеке инвестициялар есебінен биыл 2 700 балаға арналған Оқушылар сарайы іске қосылды. 2029 жылға дейін 15 қосымша білім беру нысанының құрылысы жоспарланған. Алдағы екі жылда 5 заманауи оқушылар сарайы салынады, - деді ол.
Қысқа да нұсқа. Жазылыңыз telegram - ға