Астана соңғы бес жылдағы ауасы ең лас қалалар тізіміне кірді

Астана соңғы бес жылдағы ауасы ең лас қалалар тізіміне кірді, деп хабарлайды El.kz ақпарат агенттігі.

Экология және табиғи ресурстар министрлігі 2019-2023 жылдарда ауасы ең көп ластанған қалаларды атады.

Кейінгі 5 жылда (2019-2023 ж.ж.) атмосфералық ауаның ластануының тұрақты жоғары деңгейі Қарағанды, Алматы, Астана, Өскемен, Теміртау, Жезқазған қалаларында байқалады, - делінген ресми мәліметте.

Сондай-ақ, «Қазгидромет» мамандары аталған қалалардың ауасы қандай улы заттармен жиі ластанатынын айтты.

Негізгі ластаушы заттар:

Қарағанды қаласында – РМ-2,5 қалқыма бөлшектері, РМ-10 қалқыма бөлшектері, көміртегі оксиді, күкірт сутегі;

Алматы қаласында – қалқыма бөлшектер (шаң), РМ-2,5 қалқыма бөлшектері, РМ-10 қалқыма бөлшектері, күкірт диоксиді, көміртегі оксиді, азот диоксиді, азот оксиді.

Астана қаласында – қалқыма бөлшектер (шаң), РМ-2,5 қалқыма бөлшектері, РМ-10 қалқыма бөлшектері, күкірт диоксиді, көміртегі оксиді, азот диоксиді, азот оксиді.

Өскемен қаласы – күкірт диоксиді, көміртегі оксиді, күкірт сутегі;

Теміртау қаласы – көміртегі оксиді, азот диоксиді;

Жезқазған қаласы – күкірт сутегі, фенол, - деп жазылған ақпарат бюллетенінде.

Қысқа да нұсқа. Жазылыңыз telegram - ға