Астана әуежайында жағдай тұрақталды
Астана халықаралық әуежайының әуеайлағында ұшуға қолайлы ауа райы орнады, деп хабарлайды El.kz ақпарат агенттігі.
Қазір кезде аэродромда желдің жылдамдығы - 5 м/с, қар тығыз, ал ауа температурасы – 4. Әуежайдағы ұшу-қону кестесі тұрақталып келеді.
Түнгі 00:01-ден қазіргі сәтке дейін әуежай 29 рейсті қабылдаса, 41 рейс ұшып кетті. Олардың арасында 30 желтоқсан күні ұшуы қажет болған KC7377 Астана-Ақтау, IQ399 Астана-Ақтөбе, IQ367 Астана-Қостанай, DV744 Астана-Алматы, KC957 Астана-Алматы, SU 1963 Астана-Мәскеу, DV741 Астана-Ақтау, DV736 Астана-Шымкент бағытындағы рейстер бар",-делінген ресми хабарламада.
Бүгін 13 рейс алдын ала кейінге қалдырылды. Сондай-ақ Астана халықаралық әуежайынан 1 қаңтарға дейін 105 рейс ұшады және 101 рейс қонады деген жоспар бар.
Қазір біздің әуеайлақта ұшып-қону үшін қолайлы ауа райы орнады. Алайда ауа райы бірден өзгеруі мүмкін. Әуеайлақта қазір 21 техника жұмыс істеп жатыр,- деді Terminals Astana Airport Management LLP бас директоры Юсуф Альжаудер.
Айта кетері, Астана әуежайында ауа райының қолайсыздығына байланысты біраз рейс кейінге шегерілген болатын. Содан қаладан шыға алмағандар күрт көбейді. Ал көлік министрлігі ұшақ билетінің толық құнын қайтаруға болатынын айтты.
Қысқа да нұсқа. Жазылыңыз telegram - ға