Жаңалықтар

Артық салмақтан арылғысы келген әйел косметологиялық клиникада көз жұмды

Фото: коллаж El.kz

Фото: коллаж El.kz 16.01.2025 16:35 200

Мәскеулік косметологиялық емханалардың бірінде артық салмақтан арылуды қалаған әйел 40 жастағы әйел көз жұмды, деп хабарлайды El.kz ақпарат агенттігі.

Алдын ала мәлімет бойынша, марқұм әйелдің ағзасы медициналық препаратқа жедел аллергиялық реакция берген.

Сұлулық процедурасынан кейін 40 жастағы Марияның денесі медициналық препаратқа жедел аллергиялық реакция берген. Бұл бөртпе эпилепсиялық ұстамаға әкеп соғып, жағдай ушығып кеткен, - деп түсіндірді полиция.

Аллергиядан кейін эпилепсиялық ұстамасы ұстаған әйелге екпе еккен маманның 18 жылдық тәжірибесі бары айтылды. Оның денесінің іш жағынан бірнеше инъекция іздері табылды.

Қайғылы оқиғадан кейін косметологиялық клиника жұмысын тоқтатқан. Қазір тергеу жүріп жатыр.

Бөлісу: