«АрселорМиттал» «Қазақстан халқына» қорына қанша жарна аудармақ?
Бұл сауалға Үкімет үйінде өткен баспасөз мәслихатында өнеркәсіп және құрылыс министрі Қанат Шарлапаев айтты. Министр енді «ArcelorMittal Қазақстан үкіметіне ешқандай талап қоймайды және келісімге халықаралық заңнамаға толық сәйкес құқықтық алаң аясында қол жеткізілді» деп айтты, хабарлайды El.kz ақпарат агенттігі.
Біз ArcelorMittal өкілдерін «Қазақстан халқына» қайырымдылық қорын қолдау үшін 16 млрд теңгеге (34,6 млн АҚШ доллары) жарна аударуға көндірдік. Қорға АМТ-дан түсетін қаражат Қарағанды облысы тұрғындарының денсаулық сақтау, білім беру, мәдениет, спорт салаларындағы өзекті мәселелерін шешуге және өңірдің әлеуметтік маңызы бар жобаларын дамытуға бағытталады. Осы соманың 50%-ы Теміртау қаласын дамыту мақсатында қолданылады, – деді Қанат Шарлапаев.
Енді барлық қажетті құжатқа қол қойылғаннан кейін жаңа инвесторға кәсіпорынның реанимациялық бағдарламасын әзірлеу жауапкершілігі жүктелмек.
Бұл бірқатар нысанды қайта құруды және, ең бастысы, өнеркәсіптік қауіпсіздікті жетілдіруді қамтиды. Бұдан өзге инвестор экологиялық шараларды, сондай-ақ әлеуметтік мәселелер мен жалақы мәселелеріне назар аударады, – деді ол.
Қысқа да нұсқа. Жазылыңыз telegram - ға