Жаңалықтар

«Арктикалық суық келе жатыр». Елімізде қайта күн суытады

Фото: ©pixabay.com

Фото: ©pixabay.com 03.05.2024 18:45 1902

Синоптиктер алдағы күндері күн қайта суытатынын айтты, деп хабарлайды El.kz ақпарат агенттігі.

«Қазгидромет» РМК мәліметінше, Қазақстанға 4-6 мамырда қайта арктикалық салқын түседі. Мұның себебі – қысым өрістерінің жылдам өзгеруі.

Солтүстік және оңтүстік циклондардың скандинавиялық антициклонмен алмасуы Қазақстан аумағына жауын-шашын әкеледі. Ал Баренц теңізінен суық ауа массаларының әсер етуі алдымен солтүстік-батыста, солтүстікте, сосын республика орталығында ауа температурасын төмендетеді.

Түнгі уақытта ауа температурасы нөлге дейін төмендеп, жаңбырдың соңы қарға ұласады деп күтілуде. Дегенмен оңтүстік аймақтарда мол жауын-шашын түсіп, найзағай ойнап, бұршақ жауатынына қарамастан, көктемгі жылу сақталады деп болжанып отыр.

Бөлісу: