Ақтөбедегі Ойлы ауданында үй кезегіндегілер баспанаға ие болды

Ақтөбе облысы Ойыл ауданында тұрғын үй кезегінде тұрғандарға баспана кілттері табысталды. Әлеуметтік қолдау нәтижесінде 33 отбасы жаңа қоныстың иесі атанды, деп хабарлайды El.kz ақпарат агенттігі.

Салтанатты шараға аудан әкімі Асқар Қазыбаев қатысып, тұрғындарды көптен күткен қуанышты сәтпен құттықтады.

Бүгін сіздер үшін ерекше күн. Мемлекет тарапынан жасалып жатқан қолдаудың арқасында жаңа жылда жаңа баспанаға ие болып отырсыздар. Бұл бағыттағы  жұмыстар алдағы уақытта да жалғасатын болады. Баршаңызға жаңа үйлеріңіз құтты болсын, - деді аудан әкімі.

Жаңа баспана кілттері аудан бойынша тұрғын үй алу үшін тіркелген азаматтарға, көпбалалы аналарға табысталды.

Тұрғындар мемлекет тарапынан жасалған бұл игі іске ризашылықтарын білдірді.

Осы 2025  жаңа жыл қарсаңында  өте үлкен қуанышқа ие болдық. Ұлым Бауыржан мен келінім Гүлшара өзінің  кезектері бойынша үйлі болып отыр. Іші өте жылы, жайлы, жарық. Облыс және аудан  басшыларына үлкен рақмет айтамыз, - деді Роза Дәулетқалиева. 

Қысқа да нұсқа. Жазылыңыз telegram - ға