Ақтөбеде мал алуға бөлінген 90 млн теңгені ұрлаған лауазым иесі сотталды
![Ақтөбеде мал алуға бөлінген 90 млн теңгені ұрлаған лауазым иесі сотталды Ақтөбеде мал алуға бөлінген 90 млн теңгені ұрлаған лауазым иесі сотталды](/storage/storage/element/2023/12/21/mainphoto/81749/1200xauto_y9eKWeRmtinUVaAlQJvNkOmzgzNqqEXtImufMtIS.png)
«Аграрлық несие корпорациясы» АҚ Ақтөбе филиалы директорының бұрынғы орынбасары алаяқтық әрекеті үшін сотталды, деп хабарлайды El.kz ақпарат агенттігі.
Сотқа дейінгі тергеп-тексеру барысында шаруа қожалығының басшысы шетелден әкелінген 277 бас асыл тұқымды малды сатып алу үшін «Сыбаға» бағдарламасы бойынша несие желісін ашу туралы өтінішпен корпорация филиалына жүгінгені анықталды, - делінген ҚМА ақпаратында.
Оған 90 млн теңге көлемінде несие қаражаты бөлінді. Осыдан кейін сотталған азамат шаруа қожалығының басшысын алдау арқылы Ресейден мал сатып алу-жеткізу туралы ЖШС-мен шарт жасатқан. Шаруа қожалығының басшысы есеп айырысу шотына 90 млн теңге аударған, бірақ бұл қаражатты корпорацияның Ақтөбе филиалы директорының орынбасары жеке қажеттіліктеріне жұмсаған.
Ол бес жылға бас бостандығынан айырылды.
![Telegram](https://el.kz./static/site/images/tel26.png)