Ақтөбеде ер адам тауып алған банк картасымен 160 мың теңгеге сауда жасаған
Фото: ©El.kz/Жалгасбек ТОКТАМЫСОВ
Фото: ©El.kz/Жалгасбек ТОКТАМЫСОВ
13.02.2024 11:44
1945
Ақтөбеде ер адам бөтеннің картасындағы ақшамен сауда жасаған, деп хабарлайды EL.kz ақпарат агенттігі.
Полицияға жергілікті тұрғын банк картасын жоғалтқаны туралы арызданды. Жәбірленушінің картасының жоғалғанын телефон нөміріне ақша алынғаны туралы хабарламалар келе бастағанда ғана білген.
Жедел-іздестіру шараларын жүргізу барысында полиция қызметкерлері күдіктіні ұстады. Тергеп-тексеру барысында ер адам банк картасын көшеден тауып алып, бірнеше сауда дүкендерінен өзіне қажетті заттарға табылған картамен төлем жасағаны анықталды. Жәбірленушіге келтірілген залал сомасы 160 мың теңгеден асты.
Ұрлық фактісі бойынша қылмыстық іс қозғалып, күдікті кінәсін мойындады. Тергеу жүргізіліп жатыр.
Бөлісу:
Қысқа да нұсқа. Жазылыңыз telegram - ға