Ақтөбеде ер адам 3 млн теңгенің трансформаторларын ұрлаған
Ақтөбеде полиция қызметкерлері үш трансформаторды ұрлады деген күдіктіні ұстады, деп хабарлайды El.kz ақпарат агенттігі.
ІІМ баспасөз қызметінің мәліметінше, тергеу барысында күдікті наурыз айының соңында манипулятор жалдап, үш электр трансформаторын ұрлағаны анықталды.
Бір жағдайда ер адам Алға қаласының маңында ұрлық жасаған. Қалған екі жағдайда ол трансформаторларды облыс орталығында салынып жатқан кемпинг пен электр қосалқы станциясының құрылыс алаңынан ұрлаған. Қылмыстан келтірілген жалпы шығын шамамен 3 миллион теңгені құрады. Ұрланған трансформаторларды күдікті сатпақ болған. Ұрлық фактісі бойынша сотқа дейінгі тергеп-тексеру жүргізіліп жатыр, - делінген мәліметте.
Полиция кәсіпкерлерді құрылыс алаңдары мен кәсіпкерлік объектілерінің аумақтарын бейнебақылау камераларымен жарақтандыруға және ұрлықтың алдын алу мақсатында тәулік бойы күзетпен қамтамасыз етуге шақырады.
Қысқа да нұсқа. Жазылыңыз telegram - ға