Ақтөбе облысында БАҚ өкілдері арасында чемпионат өткізілді
28 маусым БАҚ күнін мерекелеуге орай Ақтөбе облысы Жедел құтқару жасағында БАҚ өкілдері қатысуымен чемпионат өткізілді, деп хабарлайды El.kz ақпарат агенттігі.
Облыстық әкімдіктің мәліметінше, іс-шараны Төтенше жағдайлар департаменті бастығының орынбасары полковник С.Молдақараев ашып, БАҚ өкілдерін кәсіби мерекелерімен құттықтады.
Чемпионатқа жалпы 3 команда қатысып, шыдамдылықпен спорттық дайындықтарын шыңдап, өздерін өрт сөндіруші және құтқарушы ретінде бақтарын сынап көрді. Жарыс 4 кезеңнен тұрды. Жарыс кезеңдерінде арнайы киімдегі қатысушылар бетон конструкцияларының бұзылуына әкелетін үйінді кедергілер жолағын еңсереді, альпинистік киім-кешекті киеді және мұнараның бір шетінен екінші шетіне дейін 50 метр қашықтықта колекторға, одан әрі арқанмен көтеріледі. Жарыстың соңғы кезеңінде полиспас көмегімен жүкті көтеретін темір құм бөшкесін көтереді, - делінген мәліметте.
Жарысқа «Хабар», «Первый канал Еуразия», «ТДК-42», «Рика ТВ» телеарналары және «Нұр.кз», «Диапазон» ақпараттық агенттіктерінің өкілдері қатысты.
Жарыс басталар алдында өрт сөндірушілер өтетін жарысты көрнекі түрде көрсетіп, қатысушыларға толық нұсқаулық өткізді. Жарыс барысында қатысушылар өрт сөндіру жабдығымен жауынгерлік киімде берілген тапсырмаларды орындады және өздерін біраз уақыт өрт сөндірушілер нақты жағдайларда сезінетін жағдайлардағыдай әсер алып, өрт сөндіруші мен құтқарушы мамандығының барлық қиындығы мен қауіптілігін сезінді.
Жарыс қорытындысы бойынша жүлдегерлер мен қатысушылар естелік сыйлықтармен және грамоталармен марапатталды.
Қысқа да нұсқа. Жазылыңыз telegram - ға