Ақтаудағы ашық есік күні: Бір адамнан қатерлі ісік анықталды
![Ақтаудағы ашық есік күні: Бір адамнан қатерлі ісік анықталды Ақтаудағы ашық есік күні: Бір адамнан қатерлі ісік анықталды](/storage/storage/element/2024/07/15/mainphoto/112405/1200xauto_41WVs259XZK1Z2gZzA5JvzMF3u59KCjBsEWmzfcs.jpg)
Маңғыстау облыстық онкологиялық диспансерінде саркома қатерлі ісігін ерте сатыда анықтау мақсатында бірыңғай «Ашық есік» күні өтті, деп хабарлайды El.kz ақпарат агенттігі диспансердің баспасөз қызметіне сілтеме жасап.
Таңғы сағат 09.00-ден түскі 13.00-ге дейін созылған қабылдауға 24 тұрғын келді. Оның біреуінен қатерлі ісік анықталып, 2 адам осы дертке күдікті деп танылды. Ал 3 келушіден басқа да ауру түрі анықталды, 20 адам әртүрлі тексеруге жіберілді. Барлығы тегін тексерілуден өтіп, онколог-дәрігерлерден кеңес алды.
Саркома – сирек кездесетін қатерлі ісік. Негізінен 60-70 жас аралығындағы адамдарда жиі болады. Бұл ауру барлық қатерлі ісіктің шамамен 0,03% құрайды. Сондықтан қатерлі ісіктің кез келген түрін ерте сатыда анықтаудың маңызы өте зор, - дейді облыстық онкологиялық диспансердің емхана меңгерушісі Меруерт Мұқанғожина
![Telegram](https://el.kz./static/site/images/tel26.png)