Ақтауда көше орындақтарын жаңартқан мекеме неліктен ағаш-полимер композитін таңдады?
Ақтау қаласында орнатылып жатқан орындықтардың арқалығы мен отырғыш бөлігіне арнайы материал — ағаш-полимер композиті (DPK, ағылшынша Decking Polymer Composite) қолданылды. Орындықтарды орнатқан компания өкілдері неліктен мұндай таңдау жасағанын түсіндірді, деп хабарлайды El.kz ақпарат агенттігі otpannews.kz-ке сілтеме жасап.
Қала әкімдігінің баспасөз қызметінің хабарлауынша, бұл материал «дэк-дэкада» деп аталады. Сондай-ақ қазіргі таңда жиі пайдаланылатын заманауи шешімдердің бірі саналады.
Неліктен дәл осы материал таңдалды?
DPK — ағаш пен пластиктің қосындысынан жасалған композит. Оның басты артықшылықтары:
– Төзімділігі жоғары: ауа райының түрлі жағдайларына, ылғалға, күн сәулесіне төтеп береді. Ұзақ жылдар бойы бұзылмай, өңін жоғалтпай тұра алады.
– Тұрақты түс: ультракүлгін сәулелердің әсерінен түсі өзгермейді.
– Қарапайым күтім: арнайы бояу немесе қаптама қажет етпейді, тазалауға оңай.
Орындықтарға не үшін шлифовка (тегістеу) жасалады?
Материалдың беті арнайы шлифовкаланған (тегістелген).
– Қауіпсіздік пен жайлылық: тегістелген бет адам отырғанда тайып кетпеу үшін және ыңғайлы отыру үшін қажет.
– Эстетикалық көрініс: DPK материалы кейде сызылып кетуі мүмкін, сондықтан сыртқы көрінісін ұқыпты ұстау үшін шлифовка жасалады.
– Орындықтарға DPK материалдары дұрыс орнатылған. Ағаш бөлшектерінің бағыттары мен бұрандалар да дұрыстап бекітілген. Керісінше емес, яғни техникалық талаптарға сай орнатылған, - деді «Алфа плюс» ЖШС өндіріс қызметкері Камал Құрбанбаев
Ақтау қаласы әкімдігінің сұранысы бойынша бұл материал таңдалып, тұрғындар мен қонақтардың жайлылығы мен қауіпсіздігін қамтамасыз ету мақсатында қолданылды.
Қысқа да нұсқа. Жазылыңыз telegram - ға