Ақтауда бір-бірімен төбелескен жасөспірімдердің ата-анасы жауапкершілікке тартылды
Ақтау қаласының 3-шағынауданындағы 57-үй маңында болған жасөспірімдер арасындағы жанжалға байланысты олардың ата-аналары жауапкершілікке тартылды, деп хабарлайды El.kz ақпарат агенттігі otpannews.kz-ке сілтеме жасап.
Полиция қызметкерлері балалардың жеке басын анықтап, ата-аналарына ӘҚБтК-нің 127-бабы бойынша хаттама толтырды. Сонымен қатар осы оқиғаны ұялы телефонға түсірген жасөспірімнің ата-анасы да әкімшілік жауапкершілікке тартылды.
"Жасөспірімдер арасындағы құқықбұзушылықтардың алдын алу мақсатында полиция қызметкерлері ата-аналарды балаларын қадағалауға және олардың тәртібіне назар аударуға шақырады. Мұндай жағдайлар қоғамда теріс әсер тудыратынын ескере отырып, ата-аналарға балаларымен профилактикалық әңгімелер жүргізу маңызды", – делінген хабарламада.
Қысқа да нұсқа. Жазылыңыз telegram - ға