АҚШ-та Трамптың саясатына қарсы адамдардың наразылық шерулері өтті
АҚШ-тың барлық 50 штатында және әлем бойынша президент Дональд Трамп пен Үкімет тиімділігі департаментінің басшысы Илон Масктың саясатына қарсы миллиондаған адам наразылық акцияларына қатысты, деп хабарлайды El.kz ақпарат агенттігі CNN-ге сілтеме жасап.
Мәліметке сүйенсек, штат астаналарында, федералдық мекемелерде, Конгресс кеңселерінде, әлеуметтік қамсыздандыру штаб-пәтерлерінде, саябақтар мен әкімдіктерде 1400-ден астам наразылық шарасы өткен.
Шерулер шетелдерде де ұйымдастырылды. Телеарна дерегінше, "іс-шараларға қатысуға 600 мыңға жуық адам тіркелген, олардың кейбірі Лондон мен Париж сияқты ірі қалаларда өткен".
Ұйымдастырушылар "миллиардерлердің билікті иеленуіне және Трамп әкімшілігіндегі шектен шыққан жемқорлыққа" тоқтау салуды талап етуде.
Сондай-ақ олар федералды деңгейдегі Medicaid (аз қамтылған тұрғындарға арналған медициналық сақтандыру бағдарламасы) және әлеуметтік қамсыздандыру саласына бөлінетін қаржыны қысқартуды доғаруын талап етеді.
CNN телеарнасы бұл мәселеге қатысты Ақ үйден пікір сұрағанын хабарлады.
Қысқа да нұсқа. Жазылыңыз telegram - ға