Ақмола облысында өрттен екі адам көз жұмды

Қайғылы оқиға Щучье қаласында болған, деп хабарлайды El.kz ақпарат агенттігі.

Ақмола облысы ТЖД баспасөз қызметінің мәліметінше, Бурабай ауданы Щучинск қаласында екі қабатты төрт пәтерлі тұрғын үйде өрт болған.

Өртті сөндіруге 7 бірлік техника мен жеке құрамның 22 адамы жұмылдырылды. Үй толығымен ағаш құрылымдардан тұрғызылғандықтан және отқа төзімділіктің 5 дәрежесіне жататындықтан, өртті сөндіру жоғары өрт жүктемесімен қиындаған болатын. Өрт толығымен сөндірілді. Өртті сөндіру кезінде екі адамның мәйіті табылды. Ақмола облысының ТЖД қаза болғандардың туыстарына қайғыра көңіл айтады, - делінген мәліметте.

Облыстық ТЖ департаменті тұрмыста өрт қауіпсіздігі шараларын сақтауға шақырады.

- электр желілерін шамадан тыс жүктемеңіз;

- жылыту пештерін қараусыз қалдырмаңыз және оларды ұзақ уақыт қыздырмаңыз;

- электр жабдықтары мен электр сымдарының жарамды күйін қадағалаңыз;

- қосылған электр тұрмыстық және газ аспаптарын қараусыз қалдырмаңыз;

- ешбір жағдайда балаларды қараусыз қалдырмаңыз.

Қысқа да нұсқа. Жазылыңыз telegram - ға