ӘҚБ туралы кодекске БАҚ мәселелері бойынша қандай өзгеріс енгізіледі?
Бұл туралы мәдениет және ақпарат вице-министрі Қанат Ысқақов айтты, деп хабарлайды El.kz ақпараттық агенттігі.
Жаңадан «Масс-медиа туралы» заңды қабылдауымызға байланысты ӘҚБ туралы кодекстегі «бұқаралық ақпарат құралдары» сөзі «масс-медиа» сөзіне алмастырылады. Өзгеріс тек редактуралық сипатқа ие. Жаңа бап қосылмайды, - деді вице-министр.
Айта кетейік, Әділет министрлігі бірқатар заңды ашық талқыға салды.
Олардың арасында «ҚР сот жүйесі мен судьяларының мәртебесі» ҚР Конституциялық заңға өзгерістер мен толықтырулар енгізу туралы» «ҚР кейбір заңнамалық актілеріне сот жүйесін реформалау мәселелері бойынша өзгерістер мен толықтырулар енгізу туралы» жүйелерді және іс жүргізу заңнамасын жетілдіру» туралы заң жобалары бар.
Сонымен қатар «ҚР Әкімшілік құқық бұзушылық туралы кодексіне БАҚ мәселелері бойынша өзгерістер енгізу туралы» консультативтік-кеңесші құжат та ашық талқыға түсті. Шараға ҚР Парламентінің депутаттары, мемлекеттік органдар мен үкіметтік емес сектордың өкілдері қатысты.
Қысқа да нұсқа. Жазылыңыз telegram - ға