"Ақ көйлек киемін, бірақ той болмайды". Ерке Есмахан бақытты болу үшін тойдың маңызсыз екенін атады

Әнші Ерке Есмахан күйеуі Райм екеуінің үйлену тойын жасайтын-жасамайтыны туралы сұраққа жауап берді, - деп хабарлайды El.kz ақпараттық агенттігі. 

Оқырмандары әншіден "Үлкен той бола ма?" деп сұраған.

Ерке Есмахан алдағы уақытта той көйлегін киіп, фотосессия жасайтынын айтқан, бірақ той жасайтын ниеті мүлде жоқ екенін жеткізді. 

Той болмайды! Ақылдаса келе, солай шештік. Біздің той тағы у-шу, телефон ұстаған қонақтар, тікелей эфирлер, тағысын тағы. Ойласам шаршаймын. Тойсыз-ақ бақытты жанұя болып, балалы-шағалы болып, сосын 5-10 жылдық той жасармыз. Алла жазсын", - деп жауап берді әнші.

Мұның алдында әнші Ерке Есмахан мен Райм заңды түрде неке қиған еді. Олар некесін 4 сәуірде, Ораза кезінде, Түрксіб ауданының АХАТ бөлімінде тіркеген. 

"Ешкімді шақырмадық. 20 минутта бәрі қарапайым түрде өтті. Неге бәрі тіпті қарапайым болды демеңіздер, біз үшін ең бастысы - отбасымыздың бақыты", - деді әнші.

Қысқа да нұсқа. Жазылыңыз telegram - ға