Антикор Абылай Мырзахметовке қатысты мәлімдеме жасады
Абылай Мырзахметовке қатысты сотқа дейінгі тергеу амалдары жалғасып жатыр. Бұл туралы Сыбайлас жемқорлыққа қарсы іс-қимыл агенттігінің ресмм өкілі Арман Тілеукенов айтты, деп хабарлайды El.kz ақпарат агенттігі.
Бұрынғы Ауыл шаруашылығы вице-министрі Нұржан Әлтаевқа шыққан үкім жарияланды. Оны 10 жылға бас бостандығынан айыру жөнінде шешім қабылданды. Күдікті Абылай Мырзахметов туралы айтар болсам, қазіргі уақытта оған қатысты сотқа дейінгі тергеу амалдары жалғасып жатыр. Қылмыстық іс аяқталғаннан кейін сотқа жолданады, - деді Арман Тілеукенов.
Пара алған экс депутат Нұржан Әлтаев 10 жылға сотталғаны туралы жазған едік.
Айта кетейік, 10 мамырда Антикоррупциялық қызмет "Атамекен" Қазақстан Республикасы Ұлттық кәсіпкерлер палатасы басқармасының экс-төрағасы Абылай Мырзахметовтің ұсталғанын мәлімдеген еді.
Қысқа да нұсқа. Жазылыңыз telegram - ға