Анна Данилина Жаңа Зеландиядағы жарыстың жеңімпазы атанды
![Анна Данилина Жаңа Зеландиядағы жарыстың жеңімпазы атанды Анна Данилина Жаңа Зеландиядағы жарыстың жеңімпазы атанды](/storage/storage/element/2024/01/07/mainphoto/84101/1200xauto_kxnIqmX2OodLCtJDC2CQAfbBRG64LvHlSKYJLdJZ.jpg)
Фото: Қазақстан теннис федерациясы
Фото: Қазақстан теннис федерациясы
07.01.2024 21:33
617
Қазақстанның жұптық сындағы бірінші ракеткасы Анна Данилина Окленд (Жаңа Зеландия) WTA 250 турнирінің жеңімпазы атанды, деп хабарлайды El.kz ақпарат агенттігі.
Қазақстан теннис федерациясының мәліметінше, жарыстың 2-ракеткалары болып тіркелген Анна — словакиялық Виктория Хрунчакова финалда чехиялық Мария Боузкова — америкалық Бетани Маттек-Сандспен бас жүлде үшін кортқа шықты.
Бірінші партияда қазақстандық-словакиялық жұп 6:3 есебімен басым түсті.
Екінші сетте тай-брейкте чехиялық-америкалық дуэт сәтті ойнады — 7:6 (7:5).
Супер тай-брейкте Данилина мен Хрунчакова жеңісті жұлып алды — 10:8.
Осылайша, Анна Данилина жаңа жылдағы алғашқы титулына қол жеткізді.
Бөлісу:
![Telegram](https://el.kz./static/site/images/tel26.png)