Бұл туралы Ішкі істер министрлігі мәлімдеді, деп хабарлайды El.kz ақпараттық агенттігі.
Жыл басынан бері полиция күштері 416 қылмыскерді ұстады, оның ішінде 4-еуі кісі өлтірген және 24-і қарақшылық шабуылдар мен тонауға қатысты.
ҚР ІІМ криминалдық полиция департаментінің аса маңызды істер жөніндегі аға жедел уәкілі Қуаныш Ибрашевтің айтуынша, Ішкі істер министрлігіне қылмыскерлерді және хабар-ошарсыз кеткен адамдарды іздестіруге қатысты сұрақтар жиі келіп түседі.
«Бүгінде Қазақстаннан тыс жерлерде 15 қылмыскер ұсталды, оның ішінде бір адам 25 жылдан астам уақыт бойы кісі өлтіргені үшін жасырынып жүрген. Жоғалып кеткен адамдарды іздестіруге қатысты ішкі істер органдары хабар-ошарсыз кету туралы кез келген сигналға дереу жауап береді. Ағымдағы жылы полицияға хабар-ошарсыз кеткендер туралы 1600-ге жуық хабарлама түсті. Оның ішінде 596-сы кәмелетке толмағандарға қатысты, оларды іздеуге үлкен күш пен қаражат, сондай-ақ уақыт жұмсалады, өйткені олардың көпшілігі қасақана жасырылады», – деді ол.
Сондай-ақ жедел уәкілдің мәлімдеуінше, жоғалған адамдар қысқа мерзімде табылғанын атап өтті. Оған себеп, еріктілердің ұйымы да іздеуге белсенді атсалысуда.