Президент Қасым-Жомарт Кемелұлы Тоқаевтың 2024 жылғы 2 қыркүйекте жариялаған жолдауы «Әділетті Қазақстан: заң және тәртіп, экономикалық өсу, қоғамдық оптимизм» деп аталады. Бұл жолдауда мемлекет басшысы ел дамуының негізгі бағыттарын айқындап, экономикалық өсім, әлеуметтік теңсіздікті азайту және орта тапты нығайту мәселелеріне ерекше назар аударды. Геология және минералогия ғылымдарының кандидаты, профессор Ержан Көлдеевтің сөзінше, аталған жолдау алдағы жылдарға арналған елдің стратегиялық дамуын айқындайтын маңызды саяси құжатқа айналды, деп хабарлайды El.kz ақпарат агенттігі.
Профессордың сөзінше, жолдауда білім беру жүйесін дамытуға және техникалық кадрларды даярлауға үлкен мән берілді. Президент елдің тұрақты экономикалық өсуі мен бәсекеге қабілеттілігін арттыру үшін білікті мамандарды, әсіресе техникалық және инженерлік салаларда, даярлауға баса назар аудару қажет екенін атап өтті.
Білім беру және кадрларды даярлау саласындағы негізгі басымдықтар:
Президенттің айтуынша, басымдықтардың бірі – техникалық және кәсіби білім беру жүйесін дамыту болып табылады. Ол индустрияландыру және ел экономикасын әртараптандыруға елеулі үлес қосатын инженерлік және ғылыми кадрларды даярлауды жақсарту қажеттілігін ерекше атап өтті. Бұл әсіресе өңдеуші өнеркәсіпте, IT-секторда және басқа да жоғары технологиялық салаларда жоғары білікті мамандарға деген сұраныстың артуы аясында өте маңызды.
Президент Тоқаев ғылыми зерттеулерді дамыту және білім беру үдерісіне инновациялық технологияларды енгізудің маңыздылығын атап өтті. Қазақстан жаңа технологиялық көшбасшыларды қалыптастыру үшін жағдай жасауды көздеуі керек, бұл ғылым мен технологияға қомақты инвестиция салмай және жоғары білім беру жүйесін реформаламай мүмкін емес екенін ерекше айтты.
Жас мамандарды қолдау және олардың біліктілігін арттыру аясында Президент экономиканың негізгі салалары үшін жоғары білікті кадрлар даярлауға бағытталған "Жас маман" бағдарламасын атап өтті. Бұл бастама оқу орындарының санын көбейту, оларды заманауи жабдықтармен және әдістемелік қолдаумен қамтамасыз ету мақсатында жалғастырылып, кеңейтілетін болады.
Осылайша, Қасым-Жомарт Кемелұлы Тоқаевтың жолдауында білім беру және техникалық кадрларды даярлау мәселесіне баса назар аударылуы Қазақстанның білім мен жоғары технологияларға негізделген экономиканы құруға ұмтылысын көрсетеді, бұл еліміздің одан әрі тұрақты дамуының негізгі факторы болып табылады.
Айта кетейік, мемлекет басшысы Қасым-Жомарт Кемелұлының Сәтбаев университет даму бағдарламасын бекіту туралы тапсырма берді, Үкімет қаулысымен бекітілді. Қазіргі таңда бекітілген бағдарламаға сәйкес университетімізде кадрларды дайындаудың жаңа форматында жүргізілуде. Бұл жерде оқу бағдарламасына сәйкес студенттерге қандай болу керектігін таңдауға мүмкіндік береді:
Сонымен қатар инженерлік білім мен ғылымның жаңа технологиялары бойынша ғылыми-зерттеу хабын құруға тапсырма берді. Осы тарапта университетте біздің Ғылым және жоғары оқу министрлігі қолдауымен технопарк және инженерлік орталығын құрып жатырмыз, оның ішінде 8 зертхана, 3 завод. Осы орталықтарды ашылуын күзде Мемлекет басшысы өзі ашады деп дайындалып жатырмыз. Бұл орталықтар еліміздің барлық техникалық жоғары оқу орындарының мен ғылыми зерттеу инстиуттары пайдаланатын болады. Казіргі таңда біздің өндірістегі зерттеу жұмыстары бәрі сырт елде емес, біздің елімізде жасалынатын болады. Бұл орталықтардың бәрін біздің ұлттық компанияларымыз ERG, "Қазақмыс", "Қазатомөнеркәсіп", тағы басқа компаниялары – қызығушылықты білдіріп бірге жасаудамыз. Бұл дегеніміз қаржының бәрі елімізде қалатын болады. Одан бөлек инвесторлардың қаржысымен университетімізде светодиод, күн панелі, арнайы техникалық тракторлар, жаңа құрылыс материалдарын, фудтрактар шығарып жатырмыз, - деді ол.