Кейде көлік тізгіндеген жүргізушілерді көшеде жол полициясы тоқтатып жатады. Жалпы полиция қызметкерлері жүргізушіні қандай жағдайда тоқтата алады? Жүргізуші нені білу керек? Осы және өзге де сұрақтарға El.kz тілшісі жауап іздеп көрді.
Жол полициясы қызметкері жүргізушіні тоқтатуы үшін тұруға болатын белгіленген аумақ бар. Мәселен, ол тасадан шыға келіп жүргізушіні тоқтата алмайды. Бұл заңға қайшы. Ағаштардың, тақтайшалардың, ғимараттардың артынан шыға келіп тоқтатса, жол полициясы қызметкерінің өзі заңды бұзған болып есептеледі.
Жол-патрульдік полициясы жүргізушіні мынадай жағдайда ғана тоқтата алады:
Тоқтату тәртібі қандай?
Жол патрульдік полициясы сіздің көлігіңіздің мемлекеттік нөмірін дауыс зорайтқыш көмегімен айқайлап айтып тоқтатады. Содан кейін инспектор таяғымен жүргізушінің нақты қай жерге тоқтауы керек екенін көрсетеді. Тоқтағаннан кейін жол полициясы инспекторы өзін таныстырып, тоқтату себебін түсіндіруі керек. Жол полициясы қызметкерін «көліктен шығыңыз» деген нұсқау бермейінше жүргізушіге де, жолаушыға да көліктен түсуге тыйым салынады.
Жолаушының қандай құқығы бар?
Жолаушы жол-полициясы қызметкерінен құжаты мен қызметтік төс белгісін көрсетуін талап ете алады.
Жол-полициясы қызметкері қандай құжаттарды тексереді:
Қазір елімізде құжаттардың цифрландыруға көшуіне байланысты барлығы базадан тексеріледі. Сондықтан құжаттарды жүргізуші үнемі өзімен бірге алып жүрмесе де болады.
Көлік иесі көлігін басқа адамға жүргізуге берсе, сенімхат бермей-ақ сақтандыру полюсінде атын көрсетсе жеткілікті. Сондай-ақ көлікті басқа адам тізгіндеп келе жатқанда қасында көлік иесі отырса, ешқандай құжат талап етілмейді.
Жолда жылдамдықты асыруға байланысты салынатын айыппұл көлемі қандай?
Жол-полициясы қызметкері айыппұл салғанда немесе айыппұл салынғаны туралы хабарлама келгенде азамат 1 ай уақыт ішінде айыппұлды төлеу керек.
Айыппұлмен келіспеген жағдайда әкімшілік-құқық бұзушылық туралы хаттамада келіспейтіні туралы жазуға болады.