Жетісу облысының құтқарушылары су қоймасында қаза тапқан балықшының денесін алып шықты, деп хабарлайды El.kz ақпарат агенттігі.
Кеше Алакөл көліндегі Жайпақ ауылынан 5 шақырым жерде желдің 12 м/с дейін күшеюіне байланысты балықшы болған мұздың опырылып сынып кетті. ТЖД құтқарушылары дереу іздестіру-құтқару жұмыстарына кірісті. Бүгін сағат 14:54-те құтқарушылар күшімен қайтыс болған балықшының денесі су қоймасынан шығарылды, - деп жазылған ТЖМ таратқан ақпаратта.
Осы орайда ТЖМ қазір мұздың сыну мүмкіндігі өте жоғары екенін және оған шығу қауіпті екенін ескертеді.