TSARKA CERT жалған ақпарат таратуға қатысты ескерту жасады, деп хабарлайды El.kz ақпарат агенттігі.
TSARKA CERT мамандары облыс әкімдері мен басқа да шенеуніктердің бейнелерімен жасанды интеллект (AI) арқылы жасалған шындыққа жанаспайтын видеороликтер анықталғанын хабарлады.
Бұл жалған ақпарат боттар арқылы жаппай тарату арқылы қолдау табуда. Аталған боттар, сондай-ақ, 7 және 9 мамыр күндері өтетін «Мәңгілік полк», «референдум» сынды рұқсат етілмеген акцияларға ақшаға қатысуға шақырып жатыр.
Мамандар әлеуметтік желілерде арандатушылыққа ермеуге және кез келген ақпаратты бірнеше көзден тексеруге кеңес береді.